VideoPoesia-Comm ' o Mare

Aggiornamento: 16 mag 2019

E' comm'o ciel add'o sole se'nfonne

quanne s'adda addurmì.

Nu lenzuole blu ca nun scarfe 'e mane

ma 'o core 'dde core luntane.

Quanne te pigliji cu te chi pe' dispiette o pe' curaggie

chi 'e sta vita è affrante

e s'accire p'o scuorne o p'a raggje.

'O viente te sona comm'a nu violine

e pare na canzone senza parole

comm'a voce 'e na sirene

ch'appacia e dulure e 'e pene.

Accussì 'o tiempe dda tempeste addeventa serene.

'A mumente si nu specchje

pe' cocche ricorde ca se jette.

Pe chi tene speranze e na barca rotte

e pe' chi nun tene né suonne, né nomme, né rotta.

Pare na mamme ca s'astipe dint'o grembe storje

comme fosse nu libre senza bugjìe

addò pure 'e surde 'o ponne sentì.

Allore ce sta chi 'o cundanne

chi s'assette

chi l'ammire

chi l'aspette

e chi nun 'o rispette.

Vulesse ca l'omme fosse libere comm'o mare

ca nun appartene a nisciune

e nun s'accatta ch'e denare.

Vuoi acquistare Creatura Nova? Segui il link o puoi trovarlo su tanti stores online e in libreria

Comments